प्रिंटिंग तंत्रज्ञान

प्रिंटिंग तंत्रज्ञान  अभ्यासक्रम

१४५३ साली जोहान्स गटेनबर्ग यांनी जर्मनीमध्ये प्रिंटिंगच्या तंत्राचा शोध लावला असं सांगितलं जातं. तेव्हापासून आतापर्यंत प्रिंटिंगच्या क्षेत्रात अनेक प्रकारचे बदल होत गेले आहेत.स्क्रीन प्रिंटींगसारख्या लघुउद्योगापासून  ऑफसेट प्रिंटींग सारख्या मोठ्या प्रमाणावरील उद्योगात अनेक प्रकारचे बदल झालेले आहेत .ऑफसेट प्रिंटिंग’ सारख्या तंत्रज्ञानामधून मुद्रण कलेमध्ये आमूलाग्र क्रांती घडून आली. सातत्याने मुद्रित माध्यमामध्ये नवीन माध्यमांची भर पडत असल्यामुळे मुद्रण व्यवसायाला महत्व प्राप्त झाले आहे दैनिके, साप्ताहिके, मासिके,नियतकालिके यांचा वाढता वापर असल्याने या क्षेत्राला महत्त्व आले आहे.छपाई यंत्रणा अभियांत्रिकीमध्ये  विविध मुद्रण तंत्रज्ञान  शिकविली जातात या पदवीनंतर नोकरी व स्वयंरोजगाराच्या भरपूर संधी उपलब्ध होतात . प्रिंटिंग क्षेत्रातील डिप्लोमा आणि पदवी अभ्यासक्रम पूर्ण केलेल्या विद्यार्थ्यांना प्रिटिंग क्षेत्रात नोकरी आणि व्यवसायात मोठ्या संधी आहेत.वह्या, पुस्तके, गाइड, संदर्भग्रंथ, फ्लेक्स, निरनिराळ्या जाहिराती यांची छपाई आता प्रिंटिंग टेक्नॉलॉजीमुळे सोपी झालेली आहे

करिअरच्या अनेक वाटा :

करिअरच्या अनेक वाटा :
                                                                                  आपल्या आवडीचे करिअर निवडून घ्या गगनभरारी !

विद्यार्थ्यांनी  करिअर निवडताना फार गोंधळून जाऊ नये . पालकांवरही विनाकारण दबाव आणू नये . आपली आवड आणि कल कशात आहे ते प्रथम ठरवावे. कल ओळखूनच करिअर निवडावे.

 1० वी झाल्यानंतर मॅथ्स घ्यायचे की बायोलॉजी हे ठरवावे. कोणत्या विषयाचा पुढे फायदा होणार आहे याची माहिती घेऊन त्याची निवड करावी  . करिअरबाबत जे ठरवले आहे त्यात यश संपादित करण्यासाठी अधिक परिश्रम करण्याची तयारी ठेवावी. पारंपारिक शिक्षणापेक्षा वेगळं शिक्षण घेण्याचा विचार करावा . आयटीआयमध्येही चांगले करिअर घडू शकते त्यातही  भरपूर  प्रकारचे कोर्स आहेत.

मतदारांसाठी उपयोगी ॲप

मतदारांसाठी उपयोगी ॲप 
या लेखात राज्य निवडणूक आयोगाने आणलेल्यामतदारांसाठी  उपयोगी  मोबाईल  अॅप्सचा  उहापोह करु या 
ट्रू वोटर ॲप-या ॲपचा उपयोग मतदानाच्या दिवशी मतदान केंद्र किंवा यादीतील आपलाक्रमांक  मोबाइलमध्येएका क्लिकवर आपल्याला शोधण्याकरिता होणार  आहे. राज्य निवडणूक आयोगाने आणलेल्या ‘ट्रू वोटर’ हे ॲप मतदारांकरिता उपलब्ध करून दिले आहे 

ट्रू वोटर अॅपद्वारे मतदारांचा विधानसभा, यादी भाग अनुक्रमांक, स्थानिक स्वराज्य संस्थेचा प्रभाग, मतदान केंद्र व मतदान केंद्राचा पत्ता याचा शोध घेणे, मतदान केंद्रनिहाय मतदार यादी पाहणे, मतदानाबाबतची माहिती घेणे, स्वत:ची माहिती फोटोसहित अद्ययावत करणे, सोबत आधार तसेच मोबाईल क्रमांक व ई-मेल आयडी अद्ययावत करणे, कुटुंब व मित्रांचा गट तयार करणे, गैरहजर, स्थलांतरीत, मयत व बोगस मतदारांना चिन्हांकित करुन कळविणे, स्वत:चे मत सिक्युरिटी प्रश्नाद्वारे सुरक्षित करणे, आपात्कालीन परिस्थितीत तातडीने दूरध्वनी क्रमांक जतन करणे, एकाच मोबाइलद्वारे अनेक मतदारांची नोंदणी करता येणे शक्य आहे. निवडणुकीचा निकाल पाहणे,इत्यादी कामे सहजपणे  या अॅप द्वारे करता येणार आहे.

सिटीझन ऑन पेट्रोल (कॉप)

“कॉप” चा मुख्य उद्देश हा निवडणूक प्रचारातील गैरप्रकारांना आळा घालणे हा आहे. 

या ॲपच्या माध्यमातून निवडणुकीमध्ये एखादा पक्ष किंवा उमेदवार आचारसंहितेचा भंग करीत असेल तर त्याची तक्रार आता आपल्याकडे असलेल्या मोबाईलवरून थेट निवडणूक यंत्रणेकडे करता येणार आहे 

या अ‍ॅपच्या नावातच जनतेची गस्त किंवा नजर असा आशय सामावला आहे. या अ‍ॅपच्या माध्यमातून सर्वसामान्य मतदारही निवडणूक प्रक्रियेवर नजर ठेवू शकतील.

 या ॲपच्या माध्यमातून प्रचाराच्या कालावधीत काही गरप्रकार आढळल्यास छायाचित्रासह तो प्रकार अ‍ॅपद्वारे तात्काळ निवडणूक यंत्रणांच्या निदर्शनास आणून देता येईल.

या ॲपच्या माध्यमातून आचारसंहिता भंगाच्या तक्रारीवर  जलद गतीने  कारवाई  करने  आहे . या अ‍ॅपद्वारे तक्रार करणा-याचे नाव गोपनीय ठेवण्याची व्यवस्था आहे.

प्रचाराच्या कालावधीत काही गरप्रकार आढळल्यास छायाचित्रासह तो प्रकार अ‍ॅपद्वारे तात्काळ निवडणूक यंत्रणांच्या निदर्शनास आणून देता येईल. त्यानंतर निवडणूक संनियंत्रण समिती त्यावर योग्य ती कार्यवाही करेल.

या कॉपद्वारे  मतदारांना  पुढील गैर प्रकाराना आळा घालणे सहज शक्य झालेले  आहे : पैसे, भेटवस्तू , मद्य वाटप, शस्त्र बाळगणे , सरकारी गाड्यांचा गैरवापर,लहान मुलांचा वापर, प्राण्यांचा वापर,घोषणा व जाहिराती,  पेड न्यूज, सोशल मिडिया, प्रचार रॅली,, प्रार्थना स्थळांचा वापर,  भूमिपूजन व उद्घाटन समारंभ, ध्वनिक्षेपकाचा गैरवापर,  इत्यांदीसाठी सिटीझन ऑन पेट्रोल हे ॲप वापरता येईल.

या अॅपवर आचारसंहिता भंगाच्या तक्रारी नागरिक सुलभपणे दाखल करू शकतील. तसेच मतदारांना उमेदवार आणि राजकीय पक्षांच्या निवडणुकीतील प्रत्येक हालचालीवर नजर ठेवता येईल व गैर आढळल्यास छायाचित्रासह त्याची तात्काळ तक्रार नोंदवता येईल. झालेल्या कारवाईचा अहवाल देखील तक्रारदारास अॅपमार्फत दिसून येईल.

लेखक : प्रा य़ोगेश हांडगे 

(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )

फेसअ‍ॅपवर कळेल कि तुम्ही म्हतारपणी कसे दिसाल

        

फेसअ‍ॅपवर कळेल कि  तुम्ही म्हतारपणी  कसे दिसाल

 तरुणाईला सोशल मीडियाच्या विविध अँप ने भुरळ घातलेली आहे .गुगल प्लेवरुन १० कोटी युझर्सने तर आयफोन वापरणाऱ्या ५० कोटी युझर्सने हे अॅप्लिकेशन डाऊनलोड केल्याचे ‘फोर्ब्स’ने म्हटले आहे.

सध्या सर्वीकडेच तरुणाईमध्ये आपण म्हातारपणी कसे दिसू याचीच चर्चा आहे ,कारण आहे , म्हातारपणी तुम्ही कसे दिसाल, हे दर्शविणारे फेसअ‍ॅप  FaceApp सोशल मीडियावरून व्हायरल झालेले आहे.  अनेकांनी गूगल प्ले-स्टोअरवरून म्हातारपणात तुम्ही कसे दिसाल, हे दर्शविणारे संबंधित अॅप :फेसअ‍ॅप  FaceApp  डाउनलोड करण्यास  सुरुवात केलीली आहे.बड्याबड्या स्टार्सपासून सामान्य नागरिकांपर्यंत  अनेकांनी या App च्या मदतीने आपल्या म्हातारपणीचे फोटो सोशल मिडीयावर शेअर केले आहेत.

या फेसअ‍ॅपची माहिती

फेसअ‍ॅप हे 2017 साली लाँच करण्यात आले होते

रशियन कंपनी वायरलेस लॅब (Wireless Lab) ने FaceApp (फेसअ‍ॅप)  हे App तयार केलेले आहे. या अँपमध्ये तुम्ही तुमचा सध्याचा फोटो यामध्ये अपलोड केलात तर तुम्ही म्हातारपणी कसे दिसाल ते हे अ‍ॅप दाखवते.  अशा प्रकारचे बहुतांश अॅप रशियातील कम्प्युटर अभियंत्यांनी तयार केले आहेत.

या अॅपमध्ये अनेक पर्याय   म्हणजेच फिल्टर्स आहेत आणि  त्यातीलच   ओल्ड फेस फिल्टर लोकप्रिय झालेले आहे  तसेच . या अॅपमध्ये इतर अनेक फिल्टर आहेत. म्हणजे तरुण रुप पाहण्यासाठीचे फिल्टर, केसांचा रंग बदलण्याचे, चेहऱ्यावर मेकअप करण्याचे तसेच क्रूर हास्य चेहऱ्यावर आणण्याचेही फिल्टर या अॅपमध्ये आहे.फेसअ‍ॅप हे आयओएस आणि अ‍ॅन्ड्रॉईड अशा दोन्ही ठिकाणी उपलब्ध आहे.

फोर्ब्स’ने दिलेल्या वृत्तानुसार १५ कोटीहून अधिक लोकांचा डेटा आता ‘फेसअॅप’ची मालक कंपनी असणाऱ्या ‘वायरलेस लॅब्स’ या रशियन कंपनीकडे आहे.

या अॅप्लिकेशनमधील सर्वात लोकप्रिय फिल्टर असणाऱ्या ‘ओल्ड एज फिल्टर’च्या माध्यमातून डेटा चोरी होत असल्याचे सायबर तज्ज्ञांनी म्हटले आहे. युझर्सच्या मोबाइलमधील खासगी माहिती आणि ओळख सांगणारा सर्व डेटा या मोफत मिळणाऱ्या अॅप आणि फिल्टरच्या माध्यमातून कंपनीच्या सर्व्हरवर अपलोड झाला असल्याचं तज्ज्ञांनी सांगितलं आहे. काही वृत्तपत्रांनी दिलेल्या माहितीनुसार या अॅप्लिकेशनच्या नियम आणि अटींमुळे अॅप इन्स्टॉल करताना अनेक युझर्सने त्यांचा डेटा कंपनीला दिला आहे. युझर्सने अॅप्लिकेशन इन्स्टॉल करताना दिलेल्या परवाणगीनुसार युझर्सच्या डेटामध्ये कंपनी फेरफार शकते, पुन:निर्मित करु शकते किंवा तो छापण्यासाठीही वापरु शकते असे नमूद करण्यात आले आहे.

आर्टिफिशियल (AI) इंटेलिजन्स अल्गोरिदम म्हणजेच कृत्रिम बुद्धिमत्ता न्यूरल नेटवर्क यांचा  वापर:

हे App कृत्रिम बुद्धिमत्ता म्हणजे 'आर्टिफिशअल इंटेलिजन्स'(AI ) तंत्रज्ञानाचा वापर करते आणि त्याच्या   अल्गोरिदमद्वारे काम करते. याच्याच मदतीने युजर्सचा चेहरा कसा दिसेल हे सांगितले जाते. युजर्सना म्हातारे दाखवण्यासाठी, सुरकुत्या किंवा पांढरे केस दाखवण्यासाठी न्यूरल नेटवर्कचा वापर केला

वापरणाऱ्यांची प्रायव्हसी धोक्यात

तुम्ही फेसअ‍ॅपचा वापर करत असाल तर तुम्ही अ‍ॅपला तुमचे फोटो, नाव, युजरनेम यासह तुम्हाला काय आवडतं या गोष्टींची माहिती वापरण्याची परवानगी देत आहात.आयओएस युजर्ची सुद्धा या अ‍ॅपमुळे प्रायव्हसी धोक्यात आल्याचं  आहे. सेटींगमध्ये Allow FaceApp to Access मध्ये Photos Never असं सेट केल्यानंतरही फोनधील फोटो अ‍ॅपला अ‍ॅक्सेस करता येतात. फेसअ‍ॅप वापरण्यापूर्वी फोनमधील डाटा वापरण्याची वापरण्याची परवानगी विचारली जाते ती दिल्यास फोनमधील संपूर्ण फोटो, व्हिडीओ आणि इतर माहिती संबंधित अॅप तयार करणाऱ्या कंपनीच्या सर्व्हरवर सेव्ह होते. हा डाटा संबंधित कंपनी कोणत्याही कारणासाठी कधीही व कुठेही वापरू शकते व त्यासंदर्भात वापरकर्त्याला कायदेशीर दादही मागता येत नाही, असे अॅपला परवानगी देताना येणाऱ्या संदेशात नमूद असते. परंतु, हि माहिती फोनच्या स्क्रीनवर दिसत नाही.

अमेरिकेच्या खासदारांनाही वाटतेय भीती

या अ‍ॅपमुळे माहितीची चोरी होत असल्याचा संशय व्यक्त केला जात आहे. त्यामुळेच या अ‍ॅपचा तपास केला जावा, अशी मागणी अमेरिकेच्या एका वरिष्ठ खासदारानं सिनेटमध्ये केली. फेसअ‍ॅप प्रकरणाचा तपास एफबीआयनं करावा, या मागणीसाठी संबंधित खासदारानं संस्थेच्या प्रमुखांना पत्रदेखील लिहिलं. फेसअ‍ॅपच्या माध्यमातून रशिया माहिती गोळा करत असल्याचा संशय खासदारानं व्यक्त केला.

लेखक : प्रा य़ोगेश अशोक हांडगे 

(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत.)

Mobile: 9423077963