यू ट्यूब चॅनेल सुरु करा आणि पैसे कमवा

यू ट्यूब चॅनेल सुरु करा आणि  स्वत:चे आवडीचे व्हिडीओ अपलोड करून पैसे कमवा 

आजकाल सर्वांकडेच उत्तम क्वालिटीचा  मोबाईलवरु आहे त्यावरून आजची तरुणाई विविध   व्हिडीओ शूट करत असतात . शूट केलेले  व्हिडीओ फेसबुकवर उपलोड करत असतात.कुठलाही व्हिडीओ शूट करण्याचा छंदच तरुणाईला जडलाय. तरुणाई केवळ फेमस होण्याकरिता फेसबुकवर व्हिडीओ उपलोड करीत असते परंतु फेमस होण्याबरोबरच पैसे मिळवायचे असतील तर त्यांनी ट्यूब चॅनेलचा विचार केला पाहिजे आणि स्वतः:चे ट्यूब चॅनेल सुरु करायला हवे . 

सोशल मीडियाच्या माध्यमातून पैसा कमावण्याचा नवीन मार्ग  ट्यूब चॅनेलमुळे निर्माण झाला आहे.

या  ट्यूब चॅनेलबद्दल सविस्तरपणे जाणून घेऊया:

यू ट्यूब चॅनेलचा कसा सुरु करावा ?

ट्यूब चॅनेल सुरु करण्याकरिता  फक्त एक गूगल अकाऊंट क्रिएट करावे लागते . या एका  अकाऊंटवरुन ब्लॉग तसेच जीमेलही अॅक्सेस करता येतात .

गूगल अकाऊंट क्रिएट केल्यानंतर व्हिडीओ अपलोड करण्यासाठी यू ट्यूब चॅनेल क्रिएट करावे . यू ट्यूबच्या माय चॅनेल फीचरच्या माध्यमातून स्वतः:चा  चॅनेल क्रिएट करता येतो . तिथे  व्हिडीओ, स्लाईड शोच्या स्वरुपात व्हिडीओ अपलोड करता य्रेतो . तसेच तिथे   व्हिडीओ अपलोज, व्ह्यूज इत्यादी गोष्टी संग्रहित करता येतात . तयार केलेल्या  यू ट्यूब चॅनेलला जास्त आकर्षक करून प्रेक्षकांचे लक्ष वेधून घेण्याकरिता  तसेच चॅनेल सुरक्षित ठेवण्यासाठी विविध सेटिंग्जमध्ये   उपलब्ध  आहेत.व्हिडीओ अपलोड करण्यासाठी व्हिडीओ मॅनेजरची मदत घेता येते . तसेच  व्हिडीओ रे एडिट करण्याच्या  सुविधा देखील तिथे दिलेल्या आहेत . 

 यू ट्यूब चॅनेलवर अपलोड करण्याकरीता  व्हिडीओ कसा असावा?

यू ट्यूब चॅनेलवर अपलोड करण्याकरीता  व्हिडीओ हटके विषयाचे  असायला हवेत.जे  प्रेक्षकांचे लक्ष वेधून घेतील काहीतरी वेगळे व्हिडीओत असेल तरच युसर्स तुमचा व्हिडीओ पूर्ण पाहण्यासाठी वेळ देतील . स्वतः:च्या यू ट्यूब चॅनेलवर स्वत:च्या  हक्काचेच/मालकीचे व्हि़डीओ अपलोड करावे इतरांच्या कॉपिराईटचे   व्हि़डीओ अपलोड करु नये. 

महत्वाची सूचना : ऑडिओ हा तुम्ही तयार केलेला हवा. शिवायकॉपिराईट चा भंग होता कामा नये ही काळजी घेतली तर तुम्ही भरपूर पैसे कमवू शकता.

यू ट्यूब चॅनेलवरील  व्हिडीओद्वारे  पैसे मिळवा :

 यू ट्यूब चॅनेलवरील  व्हिडीओद्वारे पैसे मिळवण्यासाठी  गूगल अॅडसेन्स अकाऊंट तयार करावे . हे  अॅडसेन्स गूगलच्या जाहिरातीच्या  माहितीचे ऑफिशिअल टूल आहे. इथे तुम्हाला  तुम्हाला तुम्ही अपलोड केलेल्या तुमच्या व्हिडीओसंदर्भात कुणी आणि किती जणांनी व्हिडीओ पाहिला ,त्यांच्या कमेंट्स किती वगैरे सर्व माहिती मिळते.  तसेच  एखाद्या व्हिडीओच्य जाहिरातीतून किती पैसे मिळतील याचीही  माहिती तुम्हाला मिळते . 

अॅडसेन्स अकाऊंट तयार केल्यानंतर यूट्यूबच्या सेटिंग्जमध्ये असलेले यू ट्यूबचे  मोनेटायझेशन फीचर सुरु करावे .  मोनेटायझेशन सुरु केल्यानतंर यू ट्यूबकडून तुमच्या  माहितीची सविस्तरपणे शहानिशा केली जाते आणि  तुम्हाला व्हिडीओच्या माध्यमातून पैसे कमावण्यासाठी परवानगी दिली जाते.तुम्हाला जाहिराती निवडण्याचा पर्याय उपलब्ध असतो या मोनेटायझेश फीचरमुळे तुमच्या व्हिडीओमध्ये जाहिराती दिसण्यास सुरुवात होऊन  त्याचे पैसेही तुम्हाला मिळण्यास सुरुवात होते.

तुमच्या आवडीच्या विषयांची माहिती, खेळाची , रेसिपीची माहिती  व्हिडीओच्या रुपात  तुम्ही तुमच्या चॅनेलवर अपलोड करु शकता. आणि आवडीच्या तसेच छंदाच्या माध्यमातून तुम्ही पैसे कमवू शकतात . फॅशन, धार्मिक,संगीत, न्यूज,बिझनेस, कला,कॉमेडी यांचे हटके व्हिडीओ बनवून अनेक लोक पैसे कमावत आहेत 

तुमच्या यू ट्यूब चॅनेलवर व्हिडीओ अपलोड झाले  आणि त्यावर जाहिराती सुरु झाल्या तर  पैसे मिळायला सुरु होतात  . १००  डॉलरची कमाई झाल्यावर  पैसे तुमच्या अकॉउंट वर जमा होतात .

व्हिडीओच्या हिट्स वाढविण्याकरिता सोशल मीडियाचा वापर:

 यू ट्यूबवर व्हिडीओ अपलोड केल्यानंतर फेसबुक, ट्विटर या  शेअर सोशल मीडियावर व्हिडीओची लिंक  शेअर   केल्याने व्हिडीओच्या हिट्स वाढतात.  जेवढ्या जास्त हिट्स , तेवढ्या मोठ्या प्रमाणात तुम्हाला पैसे कमवता येतो 

लेखक : प्रा य़ोगेश हांडगे 

(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )

सोशल मीडियावर प्रचार जोरात

सोशल मीडियावर प्रचार जोरात

मतदारसंघाचा  सिंह....   छावा.. वाघ , ...   वादळ  .. विकासपुरुष वैगरे  ही एरवी सहजतेने उच्चारलेली जाणारी बिरूदे आता फेसबुकवरून व व्हाट्सअपवरून  मतदारसंघात  प्रचाराच्या केंद्रस्थानी आली आहेत. अगदी छोट्या छोट्या निवडणुकीतही समर्थक कार्यकर्त्यांची शाब्दीक जुगलबंदीही निवडणुकीतील रंगत वाढवू लागली आहे. एकूणच लोकसभा, विधानसभा,नगरपरिषद निवडणुकीच्या पाठोपाठ आता  ग्रामपंचायत तसेच सोसायटीच्या  प्रचाराचा धडाका या माध्यमातून फेसबुकवरूनही जोमात सुरू असल्याचे चित्र आहे.
जास्तीत जास्त मतदारांपर्यंत पोहोचण्यासाठी उमेदवारांकडून फेसबुक, व्हॉटस् अॅप  या सोशल मीडियाचा वापर अधिकाधिक केला जात आहे. मतदार संघाच्या नावाने व्हॉटस् अॅपचे ग्रुप तयार झाले आहेत. या सोशल मीडियावरून प्रचार केला जात असला तरी त्याचा बदनामीसाठी सुद्धा वापर झाल्याच्या काही घटना समोर आल्या आहेत तरी वातावरण प्रदूषित होऊ नये हि काळजी तरुणांनी घेतली पाहिजे अशी अपेक्षा जेष्टांकडून व्यक्त होत असते
गेल्या काही वर्षांत सोशल नेटवर्किंग साईट्‌सना फार महत्व आले आहे हे. सुरवातील  फेसबुक आणि आता व्हाट्सअप  हे तरुणांच्या पसंतीला उतरले आहेत. तरुणांना या सोशल मीडियाचे एकप्रकारे व्यसनच लागलेले  आहे . राजकीय नेत्यांनी हे ओळखलेले आहे म्हणूनच नेत्यांनीही या क्षेत्रातही शिरकाव केला आहे. गेल्या काही वर्षांपासून छोट्या-मोठ्या निवणुकीच्या प्रचार आणि त्या अनुषंगाच्या चर्चा फेसबुकवरून तसेच व्हाट्सअपवरून  रोजच  झडत आहेत. दररोजच्या राजकीय घडामोडीं यावर  पोस्ट होत आहे .नेत्यांचे वाढदिवस व त्यांनी केलेले विकासकामे यांनाही प्रसिद्धी देण्याचे काम या पोस्टच्या माध्यमातून होत आहे  .मतदारसंघातील  वेगवेगळ्या राजकीय नेत्यांचे  समर्थक कार्यकर्त्यांची चालणारी परस्परांतील राजकीय जुगलबंदीही राजकीय नेत्यांच्या सभेसारखी रंगत आणणारी ठरत आहे.
तसेच मतदारसंघातील   नागरिकांचे मनोरंजनही या सोशल मीडियामुळे  होत आहे . मागे फेसबुकवर झळकलेले "शोले" आंदोलन व "भीक मांगो" आंदोलनाच्या पोस्टमुळे तर नागरिकांची हसून हसून वाट लागली होती . अभिनव आंदोलन करण्याचा एक पायंडाच या सोशल मीडियामुळे पडला आहे .
तसेच अधून मधून समाजकार्याच्याही पोस्ट जनहितासाठी या सोशल मीडियावर झळकत असतात

आयटी कायद्यातील कलम ६६ (अ) सर्वोच्च न्यायालयाकडून मंगळवार २४ मार्च २०१५ रोजी रद्द करण्यात आले
सोशल मीडियासंदर्भात आयटी कायद्यातील कलम ६६ (अ) सर्वोच्च न्यायालयाकडून मंगळवार २४ मार्च २०१५ रोजी रद्द करण्यात आले आहे. या कायद्यांतर्गत सोशल मीडियावर वादग्रस्त मजकूर टाकल्या प्रकरणी कारवाई केली जात होती. आता मात्र सर्वोच्च न्यायालयाने हे कलमच रद्द केले आहे त्यामुळे या पुढे सोशल नेटवर्किंग साईटवर आक्षेपार्ह मजकूर टाकणा-याला या कलमाखाली कोणत्याही व्यक्तीला तात्काळ अटक करता येणार नाही. सर्वोच्च न्यायालयाचा हा निर्णय ऐतिहासिक असून अभिव्यक्ती स्वातंत्र्याची गळचेपी थांबणार असल्याच्या प्रतिक्रिया  युवकांकडून   व्यक्त केल्या गेल्यात 

सर्वोच्च न्यायालयाचा हा निकाल येणा-या काळात परिणामकारक ठरणार असून यामुळे भारतात इंटरनेट वापरकत्र्यांना अधिक स्वातंत्र्य, मोकळीक मिळणार आहे. आयटी कायद्यातील कलम ६६-अ कायद्याची व्यवस्थित अंमलबजावणी करू हा केंद्र सरकारचा युक्तिवाद पटणारा नसल्याचे सांगत सर्वोच्च न्यायालयाने आयटी कायद्यातील हे कलमच रद्द केले आहे.  सोशल मीडियावर वादग्रस्त ठरू शकेल, असा मजकूर टाकणा-याला अटक करण्याची मुभा आयटी कायद्यातील कलम ६६ (अ) नुसार मिळत होती. मात्र प्रत्येक व्यक्तीचे अभिव्यक्ती स्वातंत्र्य अबाधित राहावे, या उद्देशाने सर्वोच्च न्यायालयाने हे कलमच रद्द केले आहे. आयटी म्हणजे माहिती-तंत्रज्ञान कायद्यातील कलम ६६ अ नुसार गेल्या अनेक वर्षांपासून काहींना अटक करण्यात आली त्यामुळे मोठा संताप व्यक्त करण्यात आला होता.
फेसबुक, टि्वटर या सोशल नेटवर्कींग साईटसवरील आक्षेपार्ह मजकूराबद्दल तात्काळ अटकेचा अधिकार देणारे माहिती तंत्रज्ञान कायद्यातील (आयटी) कलम ६६ (अ) सर्वोच्च न्यायालयाने मंगळवारी रद्द केले. त्यामुळे यापुढे इंटरनेटवरील आक्षेपार्ह मजकूराबद्दल तात्काळ अटक करता येणार नाही.

सर्वोच्च न्यायालयाचा हा निकाल येणा-या काळात परिणामकारक ठरणार असून, यामुळे भारतात इंटरनेट वापरकर्त्यांना अधिक स्वातंत्र्य, मोकळीक मिळणार आहे.
कलम ६६ (अ) स्वातंत्र्य आणि अभिव्यक्ती स्वातंत्र्य या लोकशाही अधिकारांच्या मूळावर आघात करणारे आहे असे न्यायालयाने म्हटले आहे.
तत्काळ नवा कायदा किंवा नव्या तरतुदी करून सोशल मीडियावर वचक ठेवणारे कलम आणायला हवे अशी मागणी युवकांकडून होत आहे
 सोशल मीडियावरून होणारे गुन्हे रोखण्यासाठी योग्य पद्धतीने नियमांची बांधणी करून पुन्हा सुधारित कलमाचा कायद्यात समावेश करायला हवा.
माहिती तंत्रज्ञान कायद्याच्या कलम ६६ मध्ये २००८ मध्ये बदल करण्यात आले होते. त्यापूर्वी हे कलम केवळ हॅकिंगशी निगडित होते. मात्र २००८ मध्ये त्यात बदल करून ६६ (अ ते एफ) या कलमांचा अंतर्भाव करण्यात आला. यातील मुद्दे स्पष्ट तसेच संवैधानिक ही नव्हते. या कलमामुळे कोणी लाईक किंवा कमेंट केले तरी त्यांना अटक होत असे. . मात्र हे कलम रद्द झाले आहे
. सध्या सोशल मीडिया फोफावला आहे. त्यामुळे त्याच्यावर जरब ही हवीच. सामाजिक शांती भंग होण्याच्या अनेक घटना घडत असतात. रिकामटेकडे लोक त्याचा वापर करून शांतता भंग करतात. त्यामुळे नवीन कायदा अस्तित्वात यायला हवा.
 सोशल मीडिया हा शब्द फार चर्चेचा  आहे. या माध्यमावर सर्वांना आपले विचार मांडता येतात.   या माध्यमात अनेक लोक आपली मते मुक्तपणे मांडायला लागले होते.
सोशल मीडियावर कोणी आक्षेपार्ह मजकूर टाकला तर त्याला अटक करण्याची तरतूद या कलमात होती. तशी अनेकांना अटकही झाली होती.मात्र आता हे कलम रद्द झाल्याचा आनंद युवकांच्या चेहऱ्यावर दिसत आहे

लेखक:प्रा. योगेश हांडगे(लेखक पुणे इन्स्टिटय़ूट ऑफ कॉम्प्युटर टेक्नॉलॉजी येथील कॉम्प्युटर विभागात साहाय्यक प्राध्यापक म्हणून कार्यरत आहेत. )

ओएलएक्स आणि क्विकरच्या स्पर्धेत फेसबुकचे मार्केटप्लेस' फिचर : फेसबुकवरुन होणार खरेदी विक्री

ओएलएक्स आणि क्विकरच्या स्पर्धेत फेसबुकचे मार्केटप्लेस' फिचर : फेसबुकवरुन होणार खरेदी विक्री

हल्लीची तरुणाई ते अबालवृद्ध सर्रासपने ओएलएक्सवर  शॉपिंग करत आहे . 

सब कुछ बिकता है हि ओएलएक्सची जाहिरात फार लोकप्रिय झालीय . या साइट्सवरबुक्स-स्पोर्ट्स, रिअल इस्टेट, लाइफस्टाइल प्रॉडक्ट्स,  फॅशन अँण्ड ब्युटी, कार-बाइक्स, मोबाइल्स-टॅब्ज इत्यादी कॅटेगरीतले प्रोडक्टस  उपलब्ध आहेत . खरेदी-विक्रीसंदर्भातली माहिती भरून  ऑनलाइन पद्धतीने हे व्यवहार करता येतात त्यामुळे . वेळेची बचत होऊन  घरातली जुन्या वस्तूच्या  ठिकाणी  नवी येते . 

वापरलेल्या वस्तू घेण्यासाठी अथवा जुन्या वस्तू विकण्यासाठी  ओएलएक्सचा ऑनलाइन बाजार उपयोगात येतोय . 

आता तरुणाईत लोकप्रिय असलेल्या फेसबुकवरुनवरही मुंबईत ट्रायल बेसिसवर सुरु झालेल्या मार्केटप्लेस' फिचरद्वारे 

 आवडीचे सामान खरेदी करता येणार आहे तसेच  नको असलेले सामान विकताही  येणार आहे. ओएलएक्स आणि क्विकर याप्रमाणे हे फिचर काम करणार आहे. भारतामध्ये फेसबुकचे हे मार्केटप्लेस' फिचर ओएलएक्सशी स्पर्धा करेल.फेसबुकचे युजर्स जास्त असल्याने याचा  फेसबुकला अधिक फायदा होऊ शकतो. 

कसे असेल फेसबुकचे मार्केटप्लेस' फिचर :

या फीचरद्वारे युसर्सला  प्रोडक्टसाठी जाहिरात देता येईल तसरच  दुसऱ्यांनी दिलेल्या  जाहिराती सर्च करता येईल . 

मार्केटप्लस हे फिचर  अमेरिकेसह २५ देशांमध्ये अस्तित्वात असून जर्मनी, फ्रान्स आणि यूके समवेत १७ देशांमध्ये विकसित झालेले आहे  

फेसबुक अॅप्सच्या खाली तळाला  'शॉप' नावाचा पर्याय उपलब्ध असणार आहे त्यावर  क्लिक करून युसर्सला   विकायच्या वस्तूचा  फोटो अपलोड करता येईल  त्यानंतर इच्छुक करेदीदार  तुमच्यापर्यंत पोहोचू शकेलं . 

विविध  कॅटगरीत तुम्हाला वस्तू विकत येतील  

कंपनीतर्फे  डिलीव्हरीही होणार  आहे. पैशांचा व्यवहारासाठी दुसरा कुणी मध्यस्त नसून व्यवहार  थेट फेसबूकशीच होणार असल्याने सर्व्हिस चार्ज म्हणून  पैसे कट होणार नाहीत.

लेखक : प्रा योगेश हांडगे  

(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )

रोबोमॅन : सौदी अरेबियाचे रोबोटला नागरिकत्व तर त्याहीपुढे जात न्यूजीलंडच्या वैज्ञानिकांनी बनवला राजकारणी रोबोट बनवला आहे

रोबोमॅन : सौदी अरेबियाचे रोबोटला  नागरिकत्व तर  त्याहीपुढे जात न्यूजीलंडच्या वैज्ञानिकांनी बनवला  राजकारणी रोबोट बनवला आहे 

रोबोटची  बुद्धीमत्ता आणि मानवाची  बुद्धीमत्ता यात जमिन-आसमानचा फरक असल्यामुळे आता जगभरात रोबोटचे राज्य असेल ? 

रजनीकांतच्या  रोबोट’ सिनेमाची खूप चर्चा झाली होती  तसेच  हॉलिवूड सिनेमांवर अप्रत्यक्षपणे निशाणा साधला. रोबोटिक्स बुद्धीमत्तेचे दर्शन  ब्लेड रनर आणि टर्मिनेटर सारख्या हॉलिवूड रोबोट चित्रपटामध्ये झालेले होते 

जगभरात नवलाईच्या  अनेक घटना घडत असतात त्यातीलच एक घटना म्हणजे नुकतीच जगाच्या इतिहासात प्रथमच एका रोबोटला नागरिकत्व मिळालेले आहे , होय सौदी अरेबियाने एका रोबोटला नागरिकत्व दिले आहे आणि असे असणारा हा  प्रथम देश आहे म्हणजेच जगातील ही पहिलीच घटना आहे.

सौदी अरेबियाने चक्क एका महिला रोबोटला नागरिकत्व दिलंय. हॉलीवूड अभिनेत्री ऑड्री हेपबर्न हिच्यासारखी ही सोफिया रोबोट दिसते.

सौदीची राजधानी रियाद मध्ये फ्युचर इनव्हेस्टमेंट इनिशिएटिव्हच्या व्यासपीठावर हा रोबोट नागरिकत्वाचा सोहळा पार पडला.

या  कार्यक्रमात सोफिया नावाच्या  रोबोटला  सौदी अरेबियाचे नागरिकत्व प्रदान करण्यात आले आणि त्याने  तेव्हा त्यांनी सौदी अरेबियाच्या सल्तनतचे  आभार मानले.

व्यापारविषयक लेखक अन्ड्रयू रौस सॉर्किन यांनी  सोफियाच्या नागरिकत्वाची घोषणा  करताच उपस्थितांनी टाळ्यांचा एकच कडकडाट केला 

नागरिकत्वाच्या  घोषणेनंतर सोफियाच्या झालेल्या  मुलाखतीत तिने  ‘मी नागरिकत्व बहाल झालेला जगातली पहिली यंत्रमानव  या ऐतिहासिक घटनेबद्दल  सौदी अरेबियाचे आभार मानते ' असे सांगितले तसेच या गोष्टीचा  मला अभिमान आहे.अशा शब्दांत सोफियाने आपला आनंद व्यक्त केला.

यावेळी तिने यत्रंमानव हा माणसांसाठी धोका आहे का ? या चर्चासत्रातही सक्रिय सहभाग घेतला.

अशी माहिती हाती मिळालेली आहे कि,  कृत्रिम बुद्धीला चालना देण्यासाठी, सौदी अरेबियाने रोबोटला नागरिकत्व दिले आहे. 

कसे आहे हे रोबोट

> सोफियाची निर्मिती हाँगकाँगच्या हॅन्सन रोबोटिक्स या कंपनीचे संस्थापक डेव्हिड हॅन्सन यांनी केली आहे.

>धातूचे तुकडे आणि तारांपासून बनलेली ही सोफिया आहे विचार करण्याची, निर्णय घेण्याची क्षमता असलेली, कृत्रिम बुद्धिमत्ता लाभलेली अत्याधुनिक यंत्रमानव आहे . 

 >या रोबोटची सर्वात महत्त्वाची गोष्ट ही आहे की ते आपल्या रोजच्या कामाव्यतिरिक्त इतर प्रश्नांची उत्तरे देते.

>सोफिया चेहऱ्यावरील हावभाव ओळखू शकते आणि कोणासोबतही सामान्य व्यक्तीपणे बोलू शकते

> अनेक टी वही  चॅनल्सना तिने मुलाखतीही दिल्या आहेत. ‘

रोबोटमुळे रोजगारावर गदा येईल ?

जगप्रसिद्ध तंत्रज्ञ आणि टेस्ला या ऑटोमोबाइल कंपनीचे मालक अॅलन मस्क यांनी 

भविष्यात सर्वात जास्त धोका हा कृत्रिम बुद्धिमत्तेपासून आहे, भविष्यात कृत्रिम बुद्धिमत्तेमुळे अनेकांचे रोजगार हिरावले जातील असा इशारा काही महिन्यांपूर्वी दिलेला होता . कारण त्यांचे मते  रोबोट प्रत्येक गोष्ट  करण्यास सक्षम असतील. आणि माणसांपेक्षाही रोबोट उत्तम काम करतील. त्यामुळे अनेकांच्या रोजगारावर गदा येईल. 

त्याला प्रतिउत्तर देतांना सोफिया मुलाखतीत म्हणाली कि, 

मी एक संवेदनशील रोबोट असेल 

 मुलाखत  घेणा-याने जेव्हा तिला  आम्हाला वा"ईट भविष्याकडे जायचं नाहीये असं म्हटलं."  त्याला झटकन उत्तर देताना सोफिया म्हणाली कि तुम्ही काल्पनीक हॉलिवूड सिनेमे खूप बघतात वाटत . पण काळजी करू नका , जर तुम्ही मला नुकसान पोहोचवलं नाही तर मी देखील तुमच्याशी चांगलीच वागेल. मी एक  स्मार्ट कम्प्युटर म्हणून असेल  

र्च्युअल पॉलिटिशियन'....  'राजकारणी' रोबोट 

 नुकतीच जगाच्या इतिहासात प्रथमच एका रोबोटला नागरिकत्व मिळालेले आहे , होय सौदी अरेबियाने एका रोबोटला नागरिकत्व दिले आहे पण आता त्याहीपुढे जात न्यूजीलंडच्या वैज्ञानिकांनी जगातला पहिलाच बुद्धिजीवी आणि राजकारणी रोबोट बनवला आहे. भविष्यात यंत्राचेच राज्य येण्याची शक्यता आहे कारण हा रोबोट २०२० मध्ये उमेदवार म्हणून निवडणुक लढविण्याची शक्यता आहे. 

बुद्धीजीवी सॅम :

या रोबोटचे नाव सॅम असून न्यूजीलंडच्या निक गेरिट्सन नावाच्या व्यक्तिने याची   निर्मिती केली आहे

राजकारणात जनतेच्या पूर्वग्रही विचारांवर प्रभाव टाकेल सॅम

राजकारणात  अनेक पूर्वग्रह आहेत. जगाभरतील देशांमध्ये   जलवायू, परिवर्तन, प्रदूषण ,समानता या समस्या आहेत  सॅम या विषयांवर लोकांच्या प्रश्नांना उत्तरे देण्याचे काम करेल . या रोबोटमध्ये असलेला  अल्गोरिदम मानवाच्या पूर्वग्रही विचारांवर प्रभाव टाकेल.

लेखक :  प्रा योगेश  हांडगे
(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )
(handgeyogesh@gmail.com)

स्टेट बँकेचे विद्यार्थ्यांसाठी कॉलेजचे ओळखपत्र (आय कार्ड) आणि एटीएम-डेबिट कार्डाचे एकत्रीत असे कॉम्बो कार्ड

स्टेट बँकेचे  विद्यार्थ्यांसाठी कॉलेजचे ओळखपत्र (आय कार्ड) आणि एटीएम-डेबिट कार्डाचे एकत्रीत  असे कॉम्बो कार्ड  

देशात  स्टेट बँकेने सीओईपी’च्या विद्यार्थ्यांसाठी कॉलेजचे ओळखपत्र (आय कार्ड) आणि एटीएम-डेबिट कार्डाचे एकत्रीत  असे कॉम्बो कार्ड  पहिल्यांदाच तयार कले आहे. 

सीओईपी आणि स्टेट बँक ऑफ इंडियाने सादर केलेल्या ‘कॉम्बो कार्ड’मुळे

कॉलेजच्या आयकार्डावरून पुण्याच्या शासकीय अभियांत्रिकी महाविद्यालय (सीओईपी)चे विद्यार्थी ‘एटीएम’मधून पैसे काढू शकणार आहेत आणि कॅशलेस व्यवहारही करू शकणार आहेत.  .सीओईपी’ कॉलेजच्या सर्व विद्यार्थ्यांना हे कार्ड दिले जाणार आहे.

कार्डचा उपयोग कसा होईल ?

 - आय कार्ड प्रमाणेच या कार्डावर विद्यार्थ्याचे नाव, रक्तगट, कॉलेजचा विशिष्ट नोंदणी क्रमांकाची नोंद आहे. त्यामुळे कार्डधारक  विद्यार्थ्यांना कॉलेजच्या सर्व सुविधा वापरता येतील .

- या कार्डने  वसतिगृह तसेच  काही लॅबचे दरवाजेही या कार्डाकॉलेजच्या आधारे उघडता येतात . 

-  विद्यार्थ्यांना कॉलेजची फी भरणे, स्कॉलरशिप स्वीकारणे अन्य व्यवहार करण्यासाठी या कार्डाचा वापर करता येने शक्य होईल 

- कॉलेजमध्ये होणाऱ्या निवडणुकीसाठीही हे कार्ड वापरले जाईल,

कार्डची सुरक्षितता : ,’ 

अत्यंत सुरक्षित असे हे कार्ड आहे. कार्डचा गैरवापर होऊ नये याकरिता विद्यार्थ्यांनी त्यांचा पिन क्रमांक इतरांना कोणालाही देऊ नये 

देशातील आघाडीच्या शिक्षण संस्थेतील विद्यार्थ्यांना उपलब्ध  करून दिले जाईल स्टेट बँक ऑफ इंडियाचे कॉम्बो कार्ड

 आयआयएम-अहमदाबादसह देशभरातल्या आघाडीच्या अनेक संस्थांमध्ये असे कार्ड उपलब्ध करून दिले जाईल स्टेट बँक ऑफ इंडियाचे कॉम्बो कार्ड

‘कार्डची वैधता 

‘सध्या सीओईपी’च्या १२०० विद्यार्थ्यांना हे कार्ड देण्यात येणार आहे  त्यानंतर टप्प्या टप्प्यात सर्व विद्यार्थ्यांना हे कार्ड उपलब्ध करून देण्यात येईल . देण्यात येणारे  हे कार्ड २०२२ पर्यंत वैध असणार आहे . कॉलेजमधून शिक्षण संपवून बाहेर पडल्यानंतरही विद्यार्थ्यांना हे कार्ड वापरता येईल. ’ 

@@  प्रा योगेश  हांडगे
(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )
(handgeyogesh@gmail.com)

फेसबुकचे अकॉउंट हॅक होत आहेत काळजी घ्या !

फेसबुकचे  अकॉउंट  हॅक  होत आहेत काळजी घ्या !

फेसबुक’ने आपल्या सर्वांचेच आयुष्य व्यापून टाकलेले आहे. कित्येक लोक  दिवसभर  फेसबुकवर पडीक असतात. सोशल मीडियामुळे जग जवळ आले तरी त्याचा जपून वापर करायाला हवा कारण काही समाजकंटक सोशल मीडियाचा गैरवापर करून कुणाची बदनामी करायलाही मागेपुढे पहात नाही.  सावध राहा  फेसबुक हॅकिंगचे प्रमाण वाढलेले आहे .  फेसबुकचे बनावट अकाऊंट बनवून महिला मित्रांना अश्लील मॅसेज केल्याची घटना घडत आहेत . 

फेसबुक वापरकर्त्यांची फेसबुक अकाउंट दोन  पद्धतीने हॅक होतात 

१फिशिंग: यामध्ये  हॅकर्स फेसबुकच्या लॉगिन पेज सारखे दिसणारे फेक लॉगिन पेज बनवतात. याच्या नंतर हॅकर्स  त्या व्यक्तीच्या  इमेल वर  खोट्या पेजची लिंक पाठतो  किंवा माहितीतल्या व्यक्तीला  स्वतः:चा  मोबाईल फेसबुकसाठी  वापरण्यास देतात  आणि जेव्हा ती   व्यक्ती आपला लॉगीन आयडी व पासवर्ड त्या फेक  पेजवर टाईप करते तेव्हा त्याचा ईमेल पत्ता आणि पासवर्ड वर मिळतो   हॅकर वापरकर्त्याच्या फेसबुक अकाउंट हॅक करतो.

फिशिंगचा वापर करून गोपनीय माहिती चोरणे हे बेकायदेशीर कृत्य असून सदर कृत्य दंडनीय अपराध आहे.

उदा: https://www.facebook.com  – खरे पेज

http://www.faacebook१.com – फेक पेज असे हे फिशिंग असते 

२Keylogger कि लॉगर: हॅकर्स विविध सॉफ्टवेअर तसेच फोटो यामधून या प्रोग्रॅमचा प्रसार करतात हा   प्रोग्राम यूजरच्या कॉम्प्युटरवर इंस्टॉल झाल्यानंतर   यूजर्सचे सर्व डिटेल्स रिकॉर्ड करतो .  यूजर्सचे हे  डिटेल्स हॅकर्सला  FTP द्वारे/  ईमेल पत्त्यावर पाठविले जातात. 

फेसबुक अकॉउंटच्या हॅकिंगपासून काय काळजी घ्याल ?

फेसबुक लॉगिन केल्यानंतर होमपेजच्या उजव्या बाजूलाअसलेल्या  सेटिंग्जवर क्लिक करा. त्यामध्ये General, Security and Login  , Privacy ,Timeline andTagging असे options असतील . तिथे Security and Login क्लिक केल्यावर Setting Up Extra Security या पर्यायात असणाऱ्या Use two-factor authentication वर क्लीककरून तिथे तुम्व्हा मोबाईल नंबर द्या ज्यावर फेसबुक लॉगिन करतांना एक कोड येईल तो कोड आणि तुमचा फेसबुकचा पासवर्ड हे दोन्हीही वापरूनच तुम्ही फेसबुक लॉगिन करू शकाल 

फेक फेसबुकवरून  मजकूर प्रसारित केल्यास सायबर कायदा काय 

अश्‍लील व आक्षेपार्ह मजकूर प्रसारित केल्याबद्दल भारतीय दंडविधानाच्या 292 कलमान्वये गुन्हा दाखल होऊ शकतो. त्या अंतर्गत दोन ते पाच वर्षांचा तुरुंगवास आणि दंड अशी शिक्षेची तरतूद आहे. माहिती तंत्रज्ञानाचे कलम 66 हे संगणकाशी संबंधित गुन्ह्यांसाठी वापरले जाते.  आक्षेपार्ह मजकूर प्रसारित केल्याबद्दल 66 (ए) कलमान्वये तीन वर्ष तुरुंगवास आणि दंडाच्या शिक्षेची तरतूद आहे. "आयडेंटीटी थेफ्ट‘ म्हणजे "वैयक्तिक संवेदनशील माहिती‘ची चोरी व गैरवापर केल्याबद्दल 66(सी) कलमान्वये तीन वर्षे तुरुंगवास आणि एक लाख रुपये दंडापर्यंतची शिक्षा होऊ शकते. 

"प्रायव्हसी‘च्या उल्लंघनाबद्दल 66(इ) कलमान्वये तीन वर्षे तुरुंगवास आणि दोन लाखांपर्यंत दंडाची शिक्षा होऊ शकते. आक्षेपार्ह लैंगिक कृत्य किंवा मजकूर प्रसारित, प्रकाशित केल्याबद्दल 67(ए) कलमान्वये पाच ते सात वर्षे तुरुंगवास आणि दहा वर्षे दंडाची शिक्षा होऊ शकते. अल्पवयीन मुलांचे आक्षेपार्ह लैंगिक कृत्य किंवा मजकूर प्रसारित केल्याबद्दल 67 (बी) कलमान्वये पाच ते सात वर्षे तुरुंगवास आणि दहा लाख रुपये दंडाच्या शिक्षेची तरतूद कायद्यात आहे. 

लेखक : प्रा य़ोगेश हांडगे 

(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )

सायबरयुद्ध : चीनकडून भारतीय लष्कराचे जवान आणि अधिकाऱ्यांचा डेटा चोरी

सायबरयुद्ध : चीनकडून भारतीय लष्कराचे जवान आणि अधिकाऱ्यांचा डेटा चोरी

युद्ध हे पारंपरिक पद्धतीनेच व्हायला हवं, असं थोडंच आहे. कारण युद्धाची पद्धत  बदलली आहे . युद्धे आता कुठही होतात,  त्याचं ठिकाण व्हर्च्युअल म्हणजे आभासी जग असू शकत आणि  हे विश्व आहे, इंटरनेटचं…आणि चीनने याच युद्धाला सुरुवात केलेली आहे तेव्हा सावध रहा !

हल्लीचे जग हे इंटर्नेट सॅव्ही झालेले आहे आणि बरेचसे महत्वाचे व्यवहार हे इंटरनेट वर होतात म्हणून हे व्यवहार करतांना काळजी घेतली पाहिजे . 

विचार करा जर  ,एखादी ऑनलाइन एयर इंडिया किंवा  इंडियन रेल्वे ची वेब साइट हॅक झाली .....?  सगळ्या क्रेडीट कार्ड्स ची,डेबिट कार्डचे  डीटेल्स, वैयक्तिक माहिती इत्त्यादी वर शत्रू राष्ट्राचा ताबा जाइल.

आणि जर कधी बँकिंग क्षेत्रात जर असा हल्ला झाला तर कुठल्याही देशाच्या आर्थिक नाड्या आवळल्या जातील 

रक्तपात न करता सायबर युद्ध करता येते . चीनकडून संगणकाचा ,मोबाईल अॅपचा खुबीने वापर केला जात आहे. त्यामुळे भविष्यतील युद्ध  चीन सायबरमधून लढले अशी शक्यता व्यक्त केली जात आहे 

आयबीकडून  या गुप्त एनजन्सीकडून प्राप्त झालेल्या अहवालानुसार चीनने देशात तयार झालेल्या मोबाईल अॅपला भारताविरोधात छुपे युद्धासाठी अस्त्र बनवलं आहे. मोबाईल अॅपच्या  माध्यमातून भारतीय लष्कराचे जवान आणि अधिकाऱ्यांचा डेटा चोरी केला जात असल्याची माहिती गुप्त एनजन्सीकडून प्राप्त झालेली आहे . भारताविरोधात नवीन षडयंत्र रचण्याकरीता चीन UC ब्राउजर, शेअर-इट, ट्रूकॉलर, क्लीन मास्टरसारख्या  मोबाईल अॅपचा वापर करून त्याद्वारे  भारतीय लष्कराच्या अधिकाऱ्यांची गुप्त माहिती चीनच्या सर्व्हरवर संकलित केली जात आहे

देशाच्या सुरक्षिततेसाठी काही  अॅप्स धोकादायक असल्याचे सांगून लगेच हटवण्याचे आदेश गुप्त एजन्सीने भारतीय लष्कराचे जवान आणि अधिकाऱ्यांना  दिले आहेत.  या अॅप्समुळे  सायबर अटॅक होऊ शकतात तसेच अॅप्सद्वारे डाटा आणि अन्य माहिती हॅक केली जाऊ शकते. 

सुरक्षा दलांने मोबाईलमधील चीनी अॅप्स अनइंस्टॉल करण्याचे दिले आदेश 

चीनी अॅप्स अनइंस्टॉल करण्याचे  आदेश भारतीय सुरक्षा एजन्सींकडून  लष्कराचे जवान आणि अधिकाऱ्यांना  दिले आहेत. कारण  चीन यामार्फत डेटा चोरत असल्याची शंका आहे. त्याकरिता सुरक्षितेसाठी चीनी सीमेच्या बॉर्डरवर तैनात असलेल्या जवानांना स्मार्टफोनमधून , विबो, यूसी ब्राऊजर ,यूसी न्यूज आणि  वीचॅट, ट्रूकॉलर हे अॅप्स हटवण्यास सांगितले आहेत. 

खतरनाक अॅप्सची यादी

आयबीकडून  खतरनाक अॅप्सची जी यादी जाहीर झाली  आहे. त्यामध्ये 

वायरलल क्लीनर हाई सिक्युरिटी लॅब, सीएम ब्राऊसर, बॅडू ट्रांसलेट, बॅडू एप, वंडर कॅमरा, ईएस फाइल एक्सप्लोरर, डयू रिकॉर्डर, वाल्ट हाइड, यूकॅम मेकअप, एमआय स्टोर,  वीबो, वीचॅट, शेअरइट, ट्रूकॉलर,फोटो वंडर, क्यूक्यू इंटरनॅशनल, क्यूक्यू म्यूजिक, क्यूक्यू मेल, क्यूक्यू प्लेयर,एमआय कम्युनिटी, कॅचक्लीनर डयू एप्स, डयू बैटरी सेवर,क्यूक्यू न्यूजफीड, क्यूक्यू सिक्युरिटी, सेल्फी सिटी, मेल मास्टर, एमआय व्हिडियो कॉल आणि क्यूक्यू लांचर,यूसी न्यूज, यूसी ब्राऊजर, ब्यूटी प्लस, न्यूजडोग, वीवा व्हिडिओ, क्यू व्हिडिओ, आयएनसी, पॅरालल स्पेस, अपुस ब्राऊजर, परफेक्ट कार्प,डयू क्लीनर, डयू प्राइवसी, 360 सिक्युरिटी, डयू ब्राउसर, क्लीन मास्टर-चीता मोबाइल, 

आदी अॅप्सचा समावेश आहे 

सायबरयुद्धाचा   प्रतिकार 

-  स्पॅम मेल, फसवे मेल यावर डबल क्लिक करुन उघडण्याचा प्रयत्न करु नये. अशा मेल मधून व्हायरसची एक्झीक्युटेबल फाईल आपल्या नकळत डाऊन लोड होते. आपण जेव्हा संगणकावर काम करतो तेव्हा केलेल्या कामाची एक डुप्लीकेट फाईल तयार होऊन ती हार्ड डिक्सवर सेव्ह होते. जेव्हा आपण इंटरनेट चालू करतो तेव्हा अलगदपणे ही माहिती हॅकरला मेल व्दारे प्राप्त होते. .त्यामुळे  फसगत टाळण्यासाठी अशा प्रकारचे फसवे मेल डीलीट करावे आपली संगणक सिस्टीम ऍन्टी व्हायरस, फायर वॉलने सुरक्षित ठेवावी.

-वाय फाय कनेक्शनबाबत देखील सुरक्षित वापर महत्वाचा आहे.

-सुरक्षितता,सावधगिरी बाळगून इंटरनेटचा वापर करणे ही काळाची गरज आहे.

- भारतात तयार होणा-या संगणकतज्ज्ञांना काही वर्ष देशात राहून सेवा करायला हवी. 

- आज भारतासमोर  ‘सायबर युद्धाचे  ’चं भयावह संकट उभं आहे भारताने लक्षात घेतले पाहिजे आणि तातडीने त्यावर उपाय योजना केल्या पाहिजे .

- सायबर क्षेत्रात दक्षिण कोरियासारखे छोटे देशही आपल्यापेक्षा प्रगत आहेत, हे लक्षात घ्यायला हवं. सायबरमध्ये चीनची भीती अमेरिकेला आहे. म्हणून भारताने अमेरिकेबरोबर सहकार्याची भूमिका घ्यायला हवी. 

लेखक : प्रा य़ोगेश हांडगे 

(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )

mobile: 9423077963

आयफोन च्या फोटो अॅप मेटाडेटा  आणि रेकग्निशन फीचरमुळे आयफोन यूजर्समध्ये गोंधळ : 

मुलींचे क्लीवेज फोटो स्टोर करतो "आयफोन "?

 स्टेटस सिम्बॉल असलेला अ‍ॅपलचा आयफोनचे अनेक  खास फीचर्स आणि  कॅमेरॅची क्लिअ‍ॅरिटी याने तरुणाईला  भुरळ घातलेली आहे त्यामुळे तो महागडा आयफोन आपल्याकडेही  असावा असे प्रत्येकालाच वाट आहे   बरेच हौशी  टेक्नोसॅव्हीं  हा महागडा फोन आर्थिक तडजोड करून ईएमआयवर विकत घेण्याच्या विचारात असतात . परंतु आता iPhone X च्या संबंधित एका बातमीने जगभरातील लाखो मुलींची झोप उडवली आहे. कारणही तसेच आहे. 

आयफोन मुलींचे क्लीवेज फोटो स्टोर करतो ?

एका यूजरने ट्विटमध्ये म्हटले आहे कि, 

 गेल्या एक वर्षापासून अॅपल महिलांचे सेक्सी फोटो आपल्या डाटाबेसमध्ये सेव्ह करतंय. 

या संबंधित बातमीनुसार एली नावाच्या एका यूजरने ट्विटमध्ये म्हटले आहे की, आपल्या आयफोनच्या फोटो अॅपमध्ये जाऊन आपण brassiere टाईप करा. तुम्हाला फोनमधील संपूर्ण कलेक्शन पहायला मिळेल. ज्यात आपली आतापर्यंत टीपलेली क्लीवेज छायाचित्रे म्हणजेच  मुलींच्या छातीच्या भागाचे काढलेले फोटो  पहायला मिळतील. या पुढे ट्विट करून एलीने म्हटले आहे की

'मुलींनो सावध व्हा! आपल्या आयफोनमधील फोटो अॅपमध्ये जावून brassiere टाइप करा. कारण अॅपल हे फोटो सेव्ह करतंय?'

एलीच्या या ट्विटला  अनेकांनी  रिट्विट करून  अनेक iPhone X  युजर्सने सांगितलेला  प्रयोग करून बघितला आणि त्यांनाही एलीसारखाच अनुभव आला आणि त्यांनी  अॅपलवर  नाराजी व्यक्त केली आहे. 

एलीप्रमाणेच क्रिस्टीन नावाच्या एका iPhone युजरने देखील याच प्रकारचं एक स्क्रिनशॉट सोशल मीडियावर शेअर करून एलीच्या ट्विटला  दुजोरा दिला  आणि तो प्रचंड  मोठ्या प्रमाणात व्हायरल झाला.

आयफोन मुलींचे क्लीवेज फोटो स्टोर करण्याची बातमी पूर्णतः चुकीची !

परंतु एका वेबसाइटच्या वृत्तानुसार आयफोन मुलींचे क्लीवेज फोटो स्टोर करण्याची बातमी पूर्णतः चुकीची असलल्याचे  म्हटलं आहे. 

या  वेबसाइटच्या म्हणण्यानुसार २०१६ मध्ये iOS 10 सोबत लाँच झालेलय आयफोनच्या फोटो अॅप मेटाडेटा  आणि रेकग्निशन फीचरमुळे आयफोन यूजर्समध्ये गोंधळ उडालेला आहे . तर जाणून घेऊ या आयफोनच्या  फिचर बद्दल 

अॅपलचे फोटो अॅप हे मेटाडेटा आणि इमेज रेकिग्नेशन फीचर :

 अॅपलचे फोटो अॅप हे मेटाडेटा आणि इमेज रेकिग्नेशन फीचर हे फोटो संपादन ऍप्लिकेशन्स आहे याचा उपयोग करून त्यांना एक टॅग देतं. यामुळे एक सारख्या  फोटोंचा संग्रह  एका ठिकाणी तयार होतो  येतात. हे फोटो फक्त तुमच्या आयफोनपर्यंतच मर्यादित राहतात.

 आयफोनमध्ये स्टोर असलेल्या  सानुकूल अनुप्रयोगांचा संग्रह चांगला आहे.   या फिचर द्वारे अॅपल छायाचित्रे सेव्ह करत नाही. फक्त तुमचे फोटो तो एका ठिकाणी जमा करतो.एकसारखी दिसणारी छायाचित्रे एकाच ठिकाणी डिवाईसवर  जमा होतात .  अॅपल ती सेव्ह करून स्वत:कडे घेत नाही.

परंतु  अॅपलबाबतच्या या फीचरच्या सोशल मीडियावरील  चूकीच्या माहितीमुळे  आयफोन यूजर्सच्या गोंधळात भर पडली आहे. 

लेखक :  प्रा योगेश  हांडगे
(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )
(handgeyogesh@gmail.com)