आता बिनधास्त ट्वीट करा ट्विटरने140 कॅरेक्टर्सची मर्यादा वाढविली

आता बिनधास्त ट्वीट करा  ट्विटरने140 कॅरेक्टर्सची मर्यादा वाढविली 

जगभरातील जबहुतेक  सेलिब्रेटी ट्विटर वापरून त्यांच्या चाहत्यांशी  थेट संवाद साधत असतात . पंतप्रधान नरेंद्र मोदी यांच्यासह संपूर्ण मंत्रिमंडळ ट्विटरवर उपलब्ध आहे. अनेक सरकारी निर्णय आणिबातम्या यांचा मुख्य स्रोत हल्ली ट्विटर टाईमलाईन झाली आहे. ट्विटरवर अनेक सेलिब्रिटी तसंच राजकीय नेते स्वतः उपलब्ध असतात. यामुळे अनेक चाहते  ट्विटरवर अकाउंट उघडत असतात .

परंतु केवळ 140-कॅरेक्टर्समध्ये आपले म्हणने मांडताना अनेकांना अडचणी येतात. याच कारणाने ट्विटरची यूजरसंख्या दिवसेंदिवस घटू लागली.

यूजर्सची संख्या वाढविण्यासाठी १४० कॅरेक्टरची मर्यादा शिथिल करण्याची सूचना विश्लेषकांनी कंपनीला केली होती . कारण,  लोक केवळ शाब्दिक संदेश पाठवत नाहीत; तर फोटो, व्हिडीओ आणि लिंकशेअर करत असतात . त्यामुळे १४० कॅरेक्टरच्या मर्यादेबाहेर यूजर्सना फोटो आणि लिंक्स पाठविण्याची मुभा दिली तर ते 'ट्विटर'साठी हितावहच ठरेल, असेही विश्लेषकांनी सुचविले होते . या पार्श्वभूमीवरसोशल मीडियाच्या वाढत्या स्पर्धेत टिकून राहण्यासाठी 'ट्विटर' यूजर्सना खूष करण्याकरिता काही बदल करत आहे . त्यानुसार 

सध्या ट्विटरच्या ‘What’s happening’च्या स्पेसमध्ये केवळ 140 कॅरेक्टर्समध्येच व्यक्त होता येतं. यापुढे ती  कॅरेक्टर्स मर्यादा वाढवण्यात येणार असून . 140 वरुन 280 कॅरेक्टर्स म्हणजे आताच्यासंख्येच्या बरोबर दुप्पट कॅरेक्टर संख्या केली जाणार आहे. त्यासाठी ट्विटरकडून टेस्टिंगही सुरु झाली आहे.

नव्या टेस्टिंगबाबत माहिती देण्यासाठी ट्विटरने एक ट्विट केला आहे. आणि  या ट्विटमध्ये त्यांनी 220-225 कॅरेक्टर्स वापरले आहेत. कॅरेक्टर्स लिमिटमध्ये होऊ घातलेल्या नव्या बदलाची माहितीदेणाऱ्या ट्विटमध्येच ट्विटरने टेस्टिंग केले आहे.

मराठी भाषिकांना ट्विटरने कॅरेक्टर्स लिमिट वाढवण्याचा होणार  फायदा :  मराठीत काना, मात्रा, वेलांटी यांमुळे कॅरेक्टर्स संख्या कमी होते. त्यामुळे एक किंवा फार फार तर दोन वाक्य ट्विटरवर एकावेळीशेअर करता येतात. अनेकदा  ते पूर्णही होत नाहीत. बहुतेक वेळा त्यात  काट-छाट करावी लागते. मात्र आता ट्विटरने कॅरेक्टर्स लिमिट वाढवण्याचा विचार केलेला आहे ज्यामुळे मराठीसह इतर  सर्वभाषिकांना कमी शब्दांत, मात्र ट्विटरवर नीट  व्यक्त होता येईल.

+++देशविरोधी आणि धार्मिक भावना भडकावणारी काश्मीरमधील115 ट्विटर अकाऊंट बंद करण्याचे  केंद्र सरकारचे आदेश+++

देशविरोधी आणि धार्मिक भावना भडकावणारी 115 ट्विटर हँडल बंद करण्याचे आदेश केंद्र सरकारने ट्विटरला दिले आहेत. 

काश्मीरमधील या ट्विटर हँडल्सद्वारे शासकीय माहिती सार्वजनिक केली जात होती. हे कायद्याचं उल्लंघन आहे. त्यामुळे केंद्र सरकारने हे सर्व ट्विटर हँडल्स ब्लॉक करण्याचे आदेश दिले आहे .

तसेच ट्विटरवर उपलब्ध असलेली देशविरोधी आणि धार्मिक भावना भडकावणारी  सर्व माहिती हटवण्याचेही आदेश दिले आहेत. जम्मू आणि काश्मीर सरकारने ही सर्व ट्विटर हँडल निवडून याची यादीकेंद्र सरकारला सोपवली होती. त्यानुसार त्यावर  केंद्राकडून  कारवाई करण्यात आली.

लेखक :  प्रा योगेश  हांडगे
(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )
(handgeyogesh@gmail.com)