"ऍनिमेशन"

"ऍनिमेशन"                                ऍनिमेशन पाहणाऱ्यांची संख्या दिवसेंदिवस वाढत असल्यामुळे या क्षेत्रात चांगलीच संधी निर्माण झालेली आहे  ऍनिमेशन म्हणजे केवळ कार्टूनच आणि तो फक्त बच्चे कंपनीचे  मनोरंजनाचे  साधन असा समज पूर्वी होता परंतु  आज ऍनिमेशन  कन्स्ट्रक्‍शन,जाहिराती,  ऑटोमोबाईल अशा अनेक महत्वाच्या  क्षेत्रांत ऍनिमेशन पोचले आहे.ऍनिमेशन म्हणजे लहान मुलांनी पाहावयाचे कार्टून  हा दृष्टिकोन बदलण्याची गरज आहे. भारतात सन 2005 मध्ये या उद्योगाची सुरवात झाली. आणि त्यानंतर थोड्याच वर्षांत या उद्योगातून दोन हजार सहाशे कोटी रुपयाचे परकीय चलन देशात आले आहे. यामुळे स्वतःसोबत देशाला समृद्धी मिळून देणारे करिअर म्हणून ऍनिमेशनकडे पाहण्याची गरज आहे . ऍनिमेशन आणि गेमिंग क्षेत्राला चालना देण्यासाठी दादासाहेब फाळके चित्रनगरी येथे आंतरराष्ट्रीय दर्जाचे प्रशिक्षण केंद्र उभारण्यात येणार असून यासाठी जागाही आरक्षित करण्यात आली आहे. 
"ऍनिमेशन" अभ्यासक्रमांत   "कोरल ड्रॉ', "फोटोशॉप', "माया' हे कॉम्प्युटर कोर्सेस करणे कलेच्या क्षेत्रात काम करण्याकरिता उपयुक्त ठरतात .स्केचिंग आणि ड्रॉइंगमध्ये प्रावीण्य मिळविले तर ऍनिमेशन करणे सोपे जाते. परंतु, ऍनिमेशन ही इंजिनिअरिंग आहे कारण यात यात दहा टक्के कला असून नव्वद टक्के तंत्रज्ञान आहे. ऍनिमेशन या  तंत्राचा मंत्र ज्याला  समजेल तोच  उत्कृष्ट ऍनिमेटर ठरेल .
ऍनिमेशन इंडस्ट्रीत सध्या बरेच बदल घडताना आपल्याला दिसताहेत. गेमिंग, ग्राफिक्स आणि ऍमिमेशन मध्ये वेगवेगळे प्रयोग होताना दिसताहेत. 
ऍनिमेशनशी संबधित  क्षेत्र
*गेमिंग डिपार्टमेंट
आयटीनंतर आता येणारा काळ ऍनिमेशन आणि गेमिंग या नवीन करिअरचा आहे.  सर्वच क्षेत्रात या उद्योगाला मोठी संधी आहे
कॉम्प्युटर गेम्स, मोबाईल गेम्स किंवा स्वतंत्र गेम्स बनविण्या साठीही ऍनिमेटरची गरज आहे . अनेक प्रकारच्या  गेम्सला लहान मुले आणि तरुणांमधून मोठा रिस्पॉन्स मिळतो. त्यामुळे हे क्षेत्रही दिवसेंदिवस विस्तारत चालले आहे.
*प्रेझेंटेशन
कोणत्याही प्रकारच्या प्रेझेंटेशनसाठी ऍनिमेशनचा वापर करता येतो 
*फिल्म लाइन
थ्रीडी मूव्ही हासुद्धा ऍनिमेशनचाच एक भाग आहे. त्यासाठी माया हे सॉफ्टवेअर वापरले जाते. चित्रपट बनविण्यासाठी ऍनिमेशनची मोठी टीम असते. या टीमला मॉडेलिंग, शेडिंग, टेक्‍चरिंग, लायटिंग, इत्यादी  असे काम वाटून दिलेले असते
*ऑटोमोबाईल डिझाईन
आता ऍनिमेशनद्वारे आता कारच्या लाखो डिझाईन तयार होत आहेत. त्यामुळे कार विविध बाजूने ,आतून कशी दिसेल अशा अनेक  अँगलने पाहणे शक्‍य झाले आहे.
*मेडिकल ऍनिमेशन
ऑपरेशन करण्यापूर्वी ते ऑपरेशन कसे केले जाईल याचे प्रेझेंटेशन करणे ऍनिमेशनमुळे शक्‍य झाले आहे.  ऑपरेशन कसे असते, हे पेशंटच्या नातेवाइकांना कॉम्प्युटरवर दाखवता येणे ऍनिमेशनमुळे शक्‍य झालेले आहे.

लेखक : प्रा योगेश हांडगे
(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )
.