मोबाइलमधील  इंटरनेटचा  डेटा वाचवण्यासाठी  काळजी घ्या  !

अनेकदा आपल्या मोबाइलचा डेटा  नकळत खर्च होत असतो. यामुळे  इंटरनेटचा कमी वापर करून देखील  वापरले तरी इंटरनेट पॅक लवकर संपतो 

मोबाइलमध्ये इंटरनेट वापरताना  काळजी घेऊन डेटाचा खर्च कमी केला तर   आपले पैसे वाचविता  येतील . . 

मोबाइलमधील इंटरनेटचा डेटा वाचविण्याकरिता  कुठले उपाय उपलब्ध आहेत त्यांची माहिती घेऊ या ! .

गुगलचे नवे 'ट्रँगल अॅप'.

सध्या या अॅपची फिलीपाईन्स देशात चाचणी सुरू असलेल्या गुगलच्या अॅपमध्ये मोबाइल डेटाची बचत करण्याचं संपूर्ण सोल्युशन 'ट्रँगल'मध्ये असेल .  आपल्याला माहित नसताना 'घुसखोरी' करणारे अनेक अॅपदेखील ब्लॉक करण्याची सोय या अॅपमध्ये आहे.

ट्रँगल अॅपमध्ये काही अॅप्स केवळ १० ते १५ मिनिटंच सुरू ठेवण्याची परवानगी आपण देऊ शकतो. या अॅपमध्ये मोबाइलचा डेटा बॅलन्स आणि वापरलेला डेटा अशी माहिती आपल्याला स्क्रीनवर दिसते. 

सध्यादेखील हा अॅप गुगल प्लेवर उपलब्ध आहे. मात्र तो केवळ ठराविक भागासाठी कार्यरत असल्याने डाऊनलोड करता येणार नाही. 

ऑटो अपडेटिंग अॅप्स

गुगल प्लेमध्ये होणारे अॅप अपडेशनमुले मोबाइलचा सर्वाधिक डेटा खर्च होतो .  बहुतेक स्मार्टफोन वापरकर्ते प्ले स्टोअरमध्ये ‘सेट टू ऑटो अपडेट्स अॅप्स’ असा पर्याय निवडता ज्यामुळे  मोबाइलमधील अॅप्सचे अपडेटेड व्हर्जन बाजारात दाखल झाल्यावर लगेच  त्यांचे  अॅप अपडेट होते ज्यासाठी मोबाइलचा सर्वाधिक डेटा खर्च होतो .  हा डेटा खर्च वाचविण्याकरिता प्ले स्टोअरमध्ये जाऊन ऑटो अपडेट अॅप्सऐवजी ‘डू नॉट ऑटो अपडेट अॅप्स’ किंवा ‘ओन्ली ओव्हर वाय-फाय’ हा पर्याय निवडावा. त्यामुळे  अॅप आपोआप अपडेट होणार नाही.  काही ठरावीक अॅप्सबाबतीत ही सुविधा हवी  असेल, तर तुम्ही प्रत्येक अॅपच्या सेटिंग्जमध्ये ‘डू नॉट ऑटो अपडेट अॅप्स’  पर्याय निवडावा 

रिस्ट्रिक्ट बॅकग्राऊंड डेटा

 अनेकदा अॅप आपण काहीही काम करत नसताना इंटरनेट खर्च करतात . थांबविण्याकरिता  करण्यासाठी सेटिंग्जमध्ये जाऊन  डेटा युसेजचा पर्याय निवडल्यावर तुम्हाला  कोणते अॅप किती डेटा वापरतो याची माहिती मिळेल . त्यानंतर प्रत्येक अॅप सुरू केल्यावर तेथे खालच्या बाजूस असलेला ‘रिस्ट्रिक्ट बॅकग्राऊंड डेटा’ असा पर्याय  निवडावा. ज्या मुळे अॅप बंद असताना खर्च होणारा डेटा खर्च होणार नाही. 

लेखक : प्रा योगेश हांडगे 
(लेखक पुणे इन्स्टिट्यूट ऑफ कम्प्युटर टेक्नॉलॉजी येथील कम्प्युटर विभागात सहाय्यक प्राध्यापक म्हणून कार्यरत आहेत. )